Ekipi i gazetarëve-hulumtues BIRN Maqedonia fitoi vendin e parë në konkursin vjetor të MIM-it për çmimin e gazetarisë “Nikolla Mlladenov” për storjen më të mirë hulumtuese. Storja fituese me temën “Shkupi 2014 nën lupë”, është shpërblyer për serialin e teksteve dhe on-line bazën interaktive të të dhënave, të cilat zbulojnë shpenzimet e parave publike për projektin kontrovers “Shkupi 2014”.
Çmimin e dytë e fitoi gazetarja Biljana Nikollovski për filmin dokumentar “Kur sistemi shëndetësor vret një fëmijë”, të transmetuar në TV Telma, i cili është një version i filmuar i serialit të tregimeve televizive rreth rastit me vogëlushen Tamara Dimovska, vajza e cila ishte sëmurë nga skolioza dhe vdiq duke pritur institucionet që t’ia miratojnë trajtimin jashtë vendit.
Çmimin e tretë e ndajnë gazetari Xhelal Neziri nga SCOOP Maqedonia për storjen “Në mbretërinë toksike të Jugohrom-it” dhe gazetarët Goran Rizaov, Sashka Cvetkovska dhe Borjan Jovanovski për serialin e teksteve për “Afera e Telekomit”, të publikuara në faqen e internetit Novatv.
Juria e këtij viti vendosi t’u japë mirënjohje për angazhimin e shquar gazetaresk gazetarëve Sashka Cvetkovska dhe Vllado Apostollov për storjen me temë “Rusi Samsonenko në storjen – Invest in Macedonia via Belize”, Peter Klinçarski për storjen me temë “Furnizimi i palmave kineze në Maqedoni”, të botuar në emisionin “KOD” në TV Telma dhe Suzana Miceva për serialin e tregimeve televizive me temën “Golgota e refugjatëve nëpër Maqedoni”, të botuara në TV Telma.
Këtë vit, MIM për 15 herë jubilare me radhë e ndau çmimin për storjen më të mirë hulumtuese të vitit, si pjesë e përpjekjeve për avancimin e gazetarisë profesionale dhe vlerave demokratike në vend.
Raporti i detajuar i komisionit që ka shqyrtuar storjet e dërguara është në dispozicion këtu.
Linqet e storjeve të shpërblyera janë bashkangjitur më poshtë:
- Shkupi 2014 nën lupë (data baza e të dhënave)
Seriali i teksteve të lidhura me Shkupi 2014
- Filmi dokumentar “Kur sistemi shëndetësor vret një fëmijë”
- Në mbretërinë toksike të Jugohromit
Seriali i teksteve për “Afera e Telekomit”:
Dëshmitë për “Telekom” nën qilimin e prokurorisë
Hetimi “Telekom”: Dividendi me dyshim se ka shërbyer për ryshfet
Hetimi “Telekom”: Marrëveshja me Analitiko si “respekt” për VMRO-DPMNE
Prokurori në SHBA ka ngritur aktakuzën sipas dëshmisë së Bogoevskit
Fillimi i fundit – shkatërrimi e provave në rastin Telekom
Ku kanë përfunduar 20 milionë eurot e tjera nga afera “Telekom”
Autoritetet kanë injoruar kërkesat për dëshmitarë në aferën “Telekom”
Afera “Telekom”: Dëshmitarët zbulojnë sekretet
Afera Telekom: “Situata jonormale kërkon një diskrecion jonormal”
Mirënjohjet:
Samsonenko në storjen – Invest in Macedonia via Belize
Furnizimi i palmave kineze në Maqedoni
“Golgota e refugjatëve nëpër Maqedoni”
